కె24న్యూస్ తెలుగు ప్రతినిధి (రాజేష్ కుమార్) నవంబర్ 07. చిత్తూరు జిల్లా వ్యాప్తంగా ఉన్న ప్రజలకు, మీడియా ప్రతినిధులకు, ప్రజాప్రతినిధులకు,టీడీపీ, జనసేన, బీజేపీ కూటమి కార్యకర్తలకు వారి కుటుంబాలకు V.హరీష్ దీపావళి పండుగ సందర్భంగా ఘనంగా శుభాకాంక్షలు తెలియజేశారు. ప్రతి ఒక్కరి జీవితాల్లో వెలుగులు నిండాలని, ఇంటా బయటా సుఖసంతోషాలతో పాటు నిలకడైన ఆరోగ్యం వెల్లివిరియాలని ఆయన హృదయపూర్వకంగా ఆకాంక్షించారు. ఈ సందర్భంగా పండుగ వేళ తీసుకోవాల్సిన భద్రతా చర్యలపై ఆయన పలు సూచనలు జారీ చేశారు. ముఖ్యంగా దీపావళి రోజున బాణాసంచా లేదా టపాసులు కాల్చే సమయంలో పిల్లల పట్ల తల్లిదండ్రులు అత్యంత అప్రమత్తంగా ఉండాలని, పెద్దల పర్యవేక్షణలోనే చిన్నారులు టపాసులు కాల్చేలా చూడాలని ఆయన కోరారు. ఎటువంటి ప్రమాదాలు జరగకుండా తగిన భద్రతా నిబంధనలను అందరూ తూచా తప్పకుండా పాటించాలని హితవు పలికారు. ప్రతి ఏటా దీపావళి పండుగను ఆనందంగా జరుపుకునే తరుణంలో అజాగ్రత్త వల్ల జరిగే చిన్న పొరపాట్లు పెద్ద ప్రమాదాలకు దారితీసే అవకాశం ఉందని ఆయన హెచ్చరించారు. అగ్ని ప్రమాదాల బారిన పడకుండా ఇళ్ల వద్ద నీటిని సిద్ధంగా ఉంచుకోవాలని, సురక్షితమైన పద్ధతిలో పండుగను జరుపుకోవాలని పిలుపునిచ్చారు. ప్రజలందరూ సంతోషంగా పండుగను ఆస్వాదించాలని కోరారు. ఈ దీపావళి వేడుకలు అందరి జీవితాల్లోనూ సరికొత్త ఉత్సాహాన్ని నింపాలని హరీష్ ఆశాభావం వ్యక్తం చేశారు. అందరూ సురక్షితంగా ఉంటూ పండుగను ఆనందంగా ముగించుకోవాలని ఆయన మరోసారి విజ్ఞప్తి చేశారు.